«Арчы Дьиэтэ» Санкт-Петербург куоракка

Олунньу 7 күнүгэр Санкт-Петербург куоракка «Арчы Дьиэтэ» айылгы киинин иһинэн үлэлиир «Мааны Мандар» иис түмсүүтэ ( сал. Туйаара Алыптаах уонна Любовь Константинова) V Норуоттар икки ардыларынааҕы «Фолк-Звезда» толорор искусство Премиятын күрэһэр «Мода тыйаатыра» түһүмэххэ 2025 с. тигиллибит 16-18-с үйэтээҕи өбүгэлэрбит кэтэ сылдьыбыт «Таҥалай соннорун», ону кытта кэтиллэр симэхтэригэр маарыннатан, онно сигэнэн аныгылыы тигиллибит «Өбүгэ ситимэ» коллекция үрдүк сыанабылы ылан I ст. Лауреат ааты ылары ситистэ. Бу коллекция авторынан буолар СӨ норуот уус-уран оҥоһуктарын маастара Туйаара Алыптаах.

Олунньу 7 күнүгэр Санкт-Петербург куоракка СӨ култууратын туйгуна Любовь Константинова V-с Норуоттар икки ардыларынааҕы «Фолк-Звезда» толорор искусство Премиятын күрэһэр «Норуот ырыатын саҥалыы тыыннаах толоруу» түһүмэҕэр I ст.лауреат, итиэннэ «фольклор» түһүмэҕэр Кылаан Чыпчаал ааты ылары ситистэ.

IX-с «Снежные узоры Якутии» декоративнай-прикладной искусство быыстапка түмүгүнэн «Мааны Мандар» иис түмсүүтэ «За уникальную коллекцию в этностиле» анал ааты ылары ситистэ. Итиэннэ, «Мааны Мандар» иистэнньэннэрэ Варвара Николаевна Дьячковская, Светлана Давыдовна Щукина, Оксана Дмитриева Жиркова, Валентина Павловна Яковлева, Катерина Алексеевна Каратаева, Наталья Васильевна Атакова, Любовь Радиковна Константиновна, Алыптаах Туйаара Лэгэнтэй Кыыһа «Лучший мастер» үрдүк ааты ылан кыайыы үктэллэннэ.