«Арассыыйа норуоттарын сомоҕолоһууларын»

Олунньу 5 күнүгэр, Санкт-Петербург куоракка Арассыыйа этнографическай түмэлигэр, Арассыыйаҕа «Арассыыйа норуоттарын сомоҕолоһууларын» уонна Саха Өрөспүүбүлүкэтигэр Култуура сылын чэрчитинэн   V Норуоттар икки ардыларынааҕы «Фолк-Звезда» толорор искусство Премиятын уонна IX «Снежные узоры Якутии» диэн декоративнай-прикладной искусство быыстапкатын үөрүүлээх аһыллыыта ыытылынна. Быыстапка аһыллыытын үөрүүлээх түгэнигэр, «Фолк-Звезда» Премия кыттыыччыларын иһирэхтик көрүстүлэр. Ол курдук, «La Ma» дуэт – Роман уонна Иринджан Овшиновы-Куулгазын (Москва), Сергей Дубовиков (Нижний Новгород), Саина Струкина (Санкт-Петербург), этно ырыаһыт Кыталы Куо (Дьокуускай), Оһуохай этээччи Денис Оконешников (Мэҥэ-Хаҥалас улууһа), «Жингэчэй» норуот үҥкүүтүн фольклорнай ансаамбыла (Пермскай кыраай), «Северное сияние» фольклорнай тыйаатыр-студия (Санкт-Петербург), «Алаҕар Далбардара» түмсүү (Чурапчы улууһа) итиэннэ, Дьокуускай куорат «Арчы Дьиэтэ» айылгы киинин иһинэн үлэлиир «Мааны-Мандар» иис маастардарын студията ( сал.Туйаара Алыптаах, Любовь Константинова) «Өбүгэ ситимэ» Далбар хотуттар, эр бэртэрэ аныгылыы сахалыы моһуонаах күннээҕи олоххо кэтиллэр таҥастарын, «Удьуор тутума» мааныга кэтиллэр төрүт иискэ олоҕуран тигиллибит аныгылыы таҥалай кэһиэччик араастарын, «Сааскы Дьэргэлгэн» сиэдэрэй симэх кэллиэксийэтин ураннык көрдөрөн үрдүк биһирэбили ыллылар, итиэннэ дьоҥҥо -сэргэҕэ кыбытык тигии ис кистэлэҥнэрин арыйар маастар — кылаас ыыттылар.Маны таһынан, уран тарбахтарынан тикпит сахалыы тыыннаах араас эгэлгэ оҥоһуктарынан быыстапкаҕа  ситиһиилээхтик кыттан дьон — сэргэ кэрэхсэбилин  ыллылар.