Голоса Якутии: Концерт в честь дня рождения М.Е. Николаева

Сэтинньи 13 күнүгэр Хаҥалас улууhугар Чапаев сэлиэнньэтигэр, Саха сирин бастакы Президенэ М.Е. Николаев төрөөбүт күнүгэр кини сырдык кэриэhигэр анаан «ЫТЫК СИРГЭ ЫРЫА КЭҺИИЛЭЭХ» диэн
Дьокуускай куорат «Арчы Дьиэтэ» айылгы киинин иһинэн үлэлиир Бүтүн Аан дойдутааҕы, Өрөспүүбүлүкэтээҕи ырыа күрэстэрин лауреаттара «Чаран» ырыа ансаамбыла уонна 2013c. Чита куоракка ыытыллыбыт Бүтүн Арассыыйатааҕы «Поет село родное» ырыа күрэһин лауреаттара, СӨ бастакы Президенэ М.Е. Николаев 80 сааһыгар аналлаах ырыа күрэһин Гран-При хаһаайыттара «Өрөгөй» эр дьон ырыа ансаамбылын холбоһуктаах эҕэрдэ кэнсиэрин утары уунна. Уус- уран салайааччы СӨ култууратын үтүөлээх үлэһитэ, РСФСР үөрэҕин туйгуна, СӨ култууратын туйгуна, СӨ үөрэҕин систематын бочуоттаах бэтэрээнэ – Валерий Герасимович Иванов.
Кэнсиэр кэрэ түгэннэринэн толору буолла.
Бу дьоһун түһүлгэҕэ Чараҥ уонна Өрөгөй ансаамбыллара саха норуотун тапталлаах ырыаларын ыллаан көрөөччүлэр биһирэбиллэрин ыллылар, итиэннэ В. Бочонина тылларыгар, Валерий Иванов мелодиятыгар «Аҕа баһылык», Лидия Петрова тылларыгар, Елизавета Сыромятникова мелодиятыгар «Саха Сирин бастакы Президенигэр М.Е. Николаевка» авторскай ырыалары бэлэх ууннулар.
Кэнсиэр саха ырыатын күүһүн, уратытын көрдөрдө. Саха норуотун маанылаах ырыаларын сэргээччилэр бары биир тыыннаахтык мустан, М.Е. Николаев сырдык кэриэһигэр сүгүрүйдүлэр.Кэнсиэр ытыс тыаһыгар умсугуйан, көрөөччүлэр сүргэлэрэ көтөҕүллэн, саха ырыатын кэрэ эйгэтигэр умнуллубат түгэннэри бэлэхтээтэ.