Мир олонхо для школьников

Сэтинньи 17 күнүгэр Өрөспүүбүлүкэтээҕи анал интэринээт-оскуола үөрэнээччилэригэр Арчы Дьиэтигэр «Өбүгэ утума» анал тэрээһин ыытылынна. Оскуола оҕолоро сиэри-туому тутуһан алгыс ылан, Арчы Дьиэтин иһин-таһын көрдүлэр-иһиттилэр.
Бу дьоро түһүлгэҕэ ыҥырыылаах ыалдьыппыт Дьааҥы улууһуттан төрүттээх, эдэр олоҥхоһут Игнат Слепцов – Хайа Тыала «Күн Эрилиэс» Гаврил Слепцов – Хааһах олоҥхотун толорон, оҕолорго олоҥхо дириҥ ис хоһоонун арыйда. Кини олоҥхону толорор ураты дьоҕура, тылы чочуйан туттара, сөхтөрдө. Оҕолор олоҥхо кэрэ эйгэтигэр умсугуйан, сэргэхтик иһиттилэр.