Саха ыалын сиэрэ-туома

Бу күннэргэ алгыстаах Арчы Дьиэтигэр Саха АССР үтүөлээх артыыһа, РФ култууратын үтүөлээх үлэһитэ, СӨ үөрэҕириитин туйгуна, СӨ култууратын бочуоттаах үлэһитэ, А.Е.Кулаковскай-Өксөкүлээх Өлөксөй аатынан судаарыстыбаннай бириэмийэ лауреата, Дьокуускай куорат бочуоттаах олохтооҕо саха сиэрин-туомун тарҕатааччы, алгысчыт Афанасий Семенович Федоров саха төрүт сиэрин-туомун үөрэтэр «Уһуйуу» авторскай үөрэҕэ ыытылынна.
«Айар» национальнай кинигэ кыһата сылын аайы «Айардыын бииргэ»-2023 бириэмийэ бастыҥнарга бириэмийэ туттарар. Санатан эттэххэ, «Айардыын бииргэ – 2023» бириэмийэ «Дархан кинигэ» анал ааты Афанасий Федоров саха дьонун-сэргэтин саамай киэҥ биһирэбилин, сэҥээриитин, махталын ылбыт, өбүгэлэрбит үйэлэри уҥуордаан кэлбит үгэстэрин, сиэрдэрин-туомнарын аныгы саха ыала, дьон-сэргэ сөпкө тутуһалларгар сүбэ-ама биэрэр «Саха ыалын сиэрэ-туома» кинигэтэ ылбыта. Олоҕун, айар үлэтин норуотугар анаабыт ытык киһибит Афанасий Семенович наҕараадатын үөрэнээччилэрин ортотугар, үөрэх үгэнигэр «Дархан кинигэ» үрдүк аата туттарылынна. Ытык киһибитигэр баҕарабыт, олонхо дойдутугар ойууланар оhуордаах-бичиктээх, уйгу-быйан тыыннаах, уhун дьоллоох олоҕу! Бары үтүөнү!

Любовь Константинова