Хапсаҕай буол!

Мархаҕа «Пульс» Культурнай чэбдигирдэр кииҥҥэ Аҕа дойду көмүскээччилэрин күннэригэр аналлаах уолаттарга анаан 9 төрүт хамсаныыны тургутан көрүү «Хапсаҕай буол!» күрэс буолан ааста.
Бу күрэс Саха төрүт ооньууларын,  9 төрүт хамсаныыны оҕолорго билиһиннэрии, тургутан көрүү уонна сахалыы тыыны уһугуннарыы буолар.
Филологическай наука доктора Лазарь Андреевич Афанасьев – Тэрис «Алаас хамсаныыта» диэн кинигэтиттэн 9 көрүҥү ылан, биһиги оҕолорбут бэйэлэрин кыахтарын, төһө хапсаҕай буолалларын тургутан көрдүбүт.
Күрэс 9 көрүҥнэрэ:
1. Аҥаар атахха кыаныы.
2. Сүүһү тобукка тиэрдии.
3. Кэдээн.
4. Биир илиигэ кыаныы
5. Чиккэн
6. Ыллан
7. Тэкээт
8. Икки илиигэ хаамыы
9. Күөрчэх
Кыттыыны ыллылар Марха 1№ орто оскуолатын 5 «а» кылааһын үөрэнээччилэрэ. Уопсайа 6 оҕо күөн курэс көрүстүлэр:
1. Айтал Неустроев
2. Айтал Сметанин
3. Оскар Шестаков
4. Игорь Егоров
5. Кирилл Яковлев
6. Саша Борисов
Кыайыы өрөгөйүн:
3 миэстэ – Айтал Сметанин
2 миэстэ – Кирилл Яковлев
1 миэстэ – Оскар Шестаков
биллилэр.
Дьүүллүүр сүбэ хамыһыйата:
Баишев Н.А. – Марха түөлбэтин аҕалар түмсүүлэрин бэрэсэдээтэлэ.
Борисов А.В. – 5 «а» кылаас аҕаларын аатыттан представителя.
Кычкина А.Н. – «Пульс» Культурнай чэбдигирдэр киин сэбиэдиссэйэ.
9 төрүт хамсаныыны тургутан көрүү «Хапсаҕай буол!» күрэс олус интириэһинэй киирсиилээх тэрээһин буолан ааста. Ийэлэр, аҕалар, аймахтар уонна доҕотторо кэлэн күүстээх ыалдьааччы буоллулар. Оҕолор өрөбүллэрин олус үчүгэйдик атаардылар.