Сылаас тыыннаах – өбүгэ таҥаһа

Саха дьахтара кыраҕы хараҕынан кыҥаан, имигэс илиитинэн бигээн ууран-тутан, чочуйан тикпит ииһэ күн бүгүнүгэр диэри биһигини сөхтөрөр, кэрэхсэтэр, умсугутар.
Ахсынньы 2 күнүгэр өбүгэбит үгэһин дьоҥҥо-сэргэҕэ көрдөрөр, үүнэр көлүөнэҕэ тиэрдэр «Тымныы кыһын Саха сириттэн саҕаланар» бэстибээл чэрчитинэн «Сылаас тыыннаах – өбүгэ таҥаһа» сахалыы кыһыҥҥы таҥас күрэһэ  уран тарбахтаах иистэнньэҥнэри, сиэдэрэй симэхтээх маастардары уонна өбүгэ таҥаһын сэҥээрээччилэри түмэ тарта.
Күрэс 3 анал бөлөҕүнэн ыытыллынна, ол курдук:
1 бөлөх – Уран тарбахтаах о5олор;
2 бөлөх – Иис эйгэтигэр саҥа дьарыктанан эрэр иистэнньэҥнэр икки ардыларыгар;
3 бөлөх – Норуот маастардарын икки ардыларыгар
Күрэс 3 көрүҥүнэн ыытылынна:
1 көрүҥ – Үгэс буолбут кыһыҥҥы саха танаһа
2 көрүҥ – Аныгылыы тигиллибит күннэтэ кэтиллэр кыһыҥҥы саха таҥаһа
3 көрүҥ – Хаттык таҥастар
Күрэскэ, ол курдук Эбээн Бытантайтан, Усуйаанаттан, Абыйтан, Сунтаартан, Кэбээйиттэн, Чурапчыттан, Горнайтан, Уус Алдантан,  Хаҥаластан, Намтан, Хатастан уонна Дьокуускайтан кыттыыны ыллылар. Уопсайа 60 кыттааччы кыттыыны ылла.
Дьүүллүүр сүбэҕэ үлэлээтилэр: норуот маастара, СӨ үөрэҕириитин уонна култууратын туйгуна, «Сардаана» муода театрын салайааччыта Понохова Зинаида Дмитриевна, Арассыыйа наукатын академиятын Сибиирдээҕи салаатын Гуманитарнай чинчийии уонна хотугу аҕыйах ахсааннаах омуктар проблемаларын чинчийэр институтун үлэһитэ, историческай наука кандидата Данилова Наталья Ксенофонтовна,  СӨ култууратын үтүөлээх үлэһитэ, «Арчы Дьиэтэ» духуобунай култуура киинин салайааччыта Андреева Лариса Константиновна.
Күрэс түмүгүнэн кыайыылаахтарынан буоллулар:
Кылаан Чыпчаал – «Дьэр утума» түмсүү сал. Белолюбская Мария Николаевна Хаҥалас улууһа, Дьэр нэһилиэгэ.

Үгэс буолбут кыһыҥҥы саха танаһа көрүҥҥэ

1 Үрдэл – Игнатьева Ольга Романовна Ханалас улууһа, Нөмүгү

2  Үрдэл  – Степанова Раиса Васильевна, Дьокуускайдаа5ы «Арчы Дьиэтэ» ДКК

3 Үрдэл – Аммосова-Быканова Мария Николаевна, Усуйаана улууһа

Аныгылыы тигиллибит күннэтэ кэтиллэр кыһыҥҥы саха таҥаһа көрүҥҥэ

1 Үрдэл – Табохова Оксана Ивановна, Дьокуускай куорат

2 Үрдэл  – Захарова Мария Николаевна, Усуйаана улууһа

3 Үрдэл – Телеева Александра Ильинична, Дьокуускай куорат

Хаттык таҥас көрүҥэр

1 Үрдэл – Султашова Клара Николаевна , Горнай улууһа, Маҕарас

2 Үрдэл  – Гермогенова Антонина Алексеевна, Хаҥалас улууһа

3 Үрдэл – Терешкина Клавдия Николаевна, Дьокуускай куорат

Анал ааттар:
«Сатабыллаах иистэнньэҥ» – Токоемова Сардаана Ивановна, Хатас нэһилиэгэ
«Өбүгэ үгэһин сөргүтүү» – Егорова Алдана Иннокентьевна Уус Алдан, Бороҕон
«Өбүгэ үгэһин утумнааччы» – Горохова Тамара Дмитрьевна, Эбээн Бытантай улууһа
«Ураты тыыннаах иистэнньэҥ» – Александрова Туяра Иннокентьевна, Дьокуускай куорат
«Кэскиллээх иистэнньэҥ» – Нестерова Лилия Вячеславовна
Салайааччылар: Бубякина Вероника Афанасьевна, Алексеева Айталина Ивановна Дьокуускай куорат Ф. И. Авдеева аатынан О5о айымньытын дыбарыаьын «Кустук», «Иис ситис» куруһуоктар
«Күннэтэ кэтиллэр кыһыҥҥы саха таҥаһын бастыҥ көстүүтэ» – Тордуянов Иван Иванович Уус Алдан, Бороҕон
«Саха таҥаһын үйэтитээччи» – Лугинова Софья Гаврильевна Чурапчы улууһа
«Талба талаан» – Абрамова Ирина Васильевна, Дьокуускай куорат
«Ураҥ тарбахтаах иистэнньэҥ» – Григорьева Софья Ивановна, Сунтаар улууһа
«Саҥа аат» – Тролукова Елена Николаевна, Дьокуускай куорат

Кыайыылаахтары истиҥник эҕэрдэлиибит!
Күрэскэ кыттыыны ылбыттарга бар5а махталбытын тиэрдэбит!
Эһиги бааргыт үйэлээҕи үөдүтээччилэр,
Оһуор – дьарҕаа түһэрээччилэр,
Илиигит итиитин таҥаска иҥэрэн,
Дууһаҕыт ырыатын оһуорга тиһэн,
Үтүөкэн оҥоһуктары хаалларааччылар.
Өбүгэ үтүө үгэһин утумнааччыларга баҕарабыт
Түмүктэрдээх айымньылаах үлэлэри, ситиһиилэри!
Кэрэ кэпсээҥҥэ киирбит талба таҥаспыт кэрэхсэнэ туруохтун!

«Арчы Дьиэтэ» духуобунай култуура киинин уус-уран салайааччыта,
СӨ култууратын туйгуна Любовь Константинова.