Арчы Дьиэтигэр дьиэ кэргэнинэн олоҥхону толоруу күрэһэ ыытылынна

Cаха Өрөспүүбүлүкэтигэр Олоҥхо декадатын чэрчитинэн V төгүлүн ыытыллар өрөспүүбүлүкэтээҕи «ТӨРҮТ  СИТИМ» дьиэ кэргэнинэн олоҥхону олоҕурбут ньыманан толоруу күрэһэ Ахсынньы 4 күнүгэр Алгыстаах Арчы Дьиэтигэр ыытылынна.
Күрэскэ уопсайа 9 дьиэ кэргэн күөн көрүстүлэр.  Ол курдук Үөһээ Бүлүүттэн, Бүлүүттэн, Чурапчыттан,  Тааттаттан, Мэҥэ-Хаҥаластан, Уус Алдантан уонна Дьокуускай куораттан кытыннылар.
Дьүүллүүр сүбэҕэ үлэлээтилэр:
– Толбонова Надежда Семеновна  – «Арчы Дьиэтэ» духуобунай култуура киинин бастакы директора, СӨ култууратын үтүөлээх үлэһитэ;
– Сысолятина Зоя Григорьевна – СӨ  култууратын үтүөлээх үлэһитэ,  Материальнайа суох  култуурнай нэһилиэстибэ киинин сүрүннүүр специалиһа;
– Боппоенова Мария Гаврильевна – СӨ культуратын туйгуна, СӨ култууратын үтүөлээх үлэһитэ,  А.Д.  Макарова аатынан  Дьокуускайдааҕы Искусство уонна Култуура колледжын  сүрүннүүр специалиһа.
Күрэс түмүгүнэн кыайыылаахтары быһаардылар:
Кылаан бириис – Лукиннар дьиэ кэргэн (Таатта улууһа, Уус Таатта)
Анал ааттар:
«Түөлбэ олоҥхотун үһүйэн үйэтитээччилэр» – Верховцевтар дьиэ кэргэн (Мэҥэ Хаҥалас улууһа, Дьаҥхаада нэһилиэгэ)
«Сэргэх сэһэн сэргэстэспит, чуор куолас кыттыспыт олоҥхоһуттара» – Павловтар дьиэ кэргэн (Чурапчы улууһа Чурапчы нэһилиэгэ)
«Кылыгырас кэрэ куоластаахтаах олоҥхоһуттар» – Харайдановтар дьиэ кэргэн (Таатта улууһа, Дьохсоҕон нэһилиэгэ)
«Айан аартыктаах, аралы кустуктаах олоҥхоһуттар» – Захаровтар дьиэ кэргэн (Чурапчы улууһа, Хатылы нэһилиэгэ)
«Бөтөрөҥ дьоруонан дьоруолата айаннатар олоҥхоһуттар» – Платоновтар дьиэ кэргэн (Дьокуускай к.)
«Төрүт ситими ууһатар удьуор олоҥхоһуттар» – Белолюбскайдар дьиэ кэргэн (Уус Алдан улууһа, Баатаҕай нэһилиэгэ)
«Ураты тойуктаах, сонун кэпсээннээх олоҥхоһуттар» – Ефремовтар  дьиэ  кэргэн (Үөһээ Бүлүү улууһа)
«Кэрээбэт кэпсэллээх, өрөөбөт тойуктаах олоҥхоһуттар» – Григорьевтар дьиэ кэргэн (Бүлүү улууһа)
Күндү кыттаччыларбытыгар баҕара хаалабыт чэгиэн доруобуйаны, ситиһии сиэттистин, табыллыы аргыстастын!
Уруйдаах олоҥхобут үйэлэртэн үйэлэргэ үйэ саас тухары үүнэн сайдан истин!

«Арчы Дьиэтэ» духуобунай култуура киинин уус-уран с алайааччыта,
СӨ култууратын туйгуна Любовь Константинова.