«Олоҥхолуур куукулам» куукуланнан олоҥхону толорооччуларга аналлаах күрэс буолан ааста

Сэтинньи 27 күнүгэр Арчы Дьиэтин духуобунай култуура киинигэр Арассыыйаҕа учуутал уонна уһуйааччы сылыгар анаан, Олоҥхо декадатын чэрчитинэн, «ОЛОҤХОЛУУР КУУКУЛАМ» куукуланнан олоҥхону толорооччуларга аналлаах күрэс буолан ааста.
Олоҥхо – норуот тылынан уус уран айымньытын чыпчаала. Киһи олоҥхону аахтаҕына, кэрэтик саҥарарга, олоҥхо тылын өйдөөтөҕүнэ, мындырдаан толкуйдуурга, ис хоһоонун биллэҕинэ, сөптөөхтүк дьаһанан олорорго үөрэнэр. Ол курдук бүгүннү күрэскэ кытынныллар оскуолаҕа киириэн иннинээ5и саастаах о5олор уонна оскуола алын кылаас үөрэнээччилэрэ. Уопсайа 30 кыттааччы кыттыыны ылла, онтон 3-һэ кэтэхтэн.
Дьүүллүүр сүбэ чилиэттэрэ:
Павлова Евдокия Ивановна – «Күн дьоно» фольклор бөлөх салайааччыта.
Самсонова Галина Михайловна – «Күн дьоно» импровизатор-тойуксут.
Алексеев Сергей Иванович – Арчы Дьиэтин духуобунай культуура киинин сүрүн специалиһа.
Дьүүллүүр сүбэ быһаарыытынан түмүк бу курдук буолла.
Тута көрүү:
Кылаан Чыпчаал: Хатастааҕы 70 №-ээх «Кэрэчээнэ» уһуйаан, «Сулусчаан» бэлэмнэнии бөлөҕө. «Ньургун Боотур» олоҥхоттон быһа тардыы. Салайааччы: В.Н. Старкова.
Иитээччилэр: Е.П.Сивцева, О.Е.Сивцева.
I Үрдэл – Сандаара ийэтинээн Мария Васильевна Максимовтар Өймөкөөн улууһа, «Хопто буурай ааттаах, Хапталдьын Боотур» олоҥхо.
II Үрдэл – Дьокуускай куорат, 38№дээх оскуола 5 «А» кылаас үөрэнээччитэ Рома Ларионов, эбээтэ Любовь Платонова. Кылаас салайааччыта: С.А. Исакова
III Үрдэл – Хатастааҕы 70 N-ээх «Кэрэчээнэ» уһуйаан, «Кулунчук» орто бөлөҕө. «Ойор-тэбэр аттаах Оҕо Бочоох Бухатыыр» олоҥхоттон быһа тардыы. . Салайааччы: В.Н. Старкова. Иитээччилэр: Е.П.Сивцева, О.Е.Сивцева.
Кэтэхтэн:
I Үрдэл – «Олоҥхо кэскилэ» уһуйаанын иитиллээччилэрэ, Горный улууһа, Бэрдьигэстээх. П.А.Ойуунускай  «Дьулуруйар Ньургун Боотур» олоҥхоттон быһа тардыы.
II Үрдэл – «Кыымчаан» уһуйаан, «Күнчээн» фольклор бөлөҕө. Хаҥалас улууһа, Улахан Аан. П.А.Ойуунускай  «Дьулуруйар Ньургун Боотур» олоҥхоттон быһа тардыы. Салайааччы: А.М. Олесова
III Үрдэл – «Сулусчаан» Оҕо сайдар киинэ, Таатта улууһа Ытык-Күөл сэл. П.А.Ойуунускай «Дьулуруйар Ньургун Боотур» олоҥхоттон «Айыы Умсуур» салайааччы П.Н. Петрова
Анал аат:
«Кыайыыга Дьулуур» – Чиряевтар ааттарынан саха гимназиятын Оскуолатын үөрэнээччилэрэ. С.Черноградскай – Чуорунай «Хапталдьын Баатыр» олоҥхо. Салайааччылар А.П. Иванова, С.М Мойтохонова
«Кэскиллээх олоҥхоһуттар» – Дьокуускай куорат, 21с №-дээх «Кэнчээри» ууйаан, «Утумчаан» бөлүх. Оҕо сайдар киинэ. «Батастаан Баатыр» Сергей Васильев олоҥхото. Салайааччы Л.Г. Семенова. Иитээччилэр Р.Е. Аргунова ,В.Н. Шевелёва.

Тэрийэр бөлөх.