АРЧЫ ДЬИЭТИГЭР СУЛУСТАРДЫЫН КӨРСҮҺҮҮ…

Сэтинньи 4 күнүгэр «ЭН СУЛУСКУН 50+» НВК Саха проегын кыттыылаахтарын уонна финалистарын «Сулустардыын көрсүһүү» Аан дойдутааҕы норуоттар сомоҕоһууларын күнүгэр аналлаах эҕэрдэ кэнсиэрэ сахалыы ырыаны–тойугу сэҥээрээччилэри түмэ тарта.

Ылбаҕай ырыа киэһэтигэр, дьон-сэргэ кутун туппут, кэрэ куоластаах ырыаһыттар кыттыыны ыллылар: СӨ култууратын туйгуна, Үлэ ветерана Вячеслав Попов (Бүлүү улууһа), Россия потребительскай кооперациятын туйгуна, Кэбээйи улууhун бочуоттаах олохтооҕо, Үлэ ветерана Мария Спиридонова (Кэбээйи улууһа), СӨ доруобуйа харыстабылын туйгуна, Үлэ ветерана Ольга Аммосова (Дьокуускай куорат), Үлэ ветерана Мария Никитина (Дьокуускай куорат), Үлэ ветерана Федот Егоров (Дьокуускай куорат), Үлэ ветерана Клара Акимова (Хаҥалас улууһа), Үлэ ветерана Ульяна Захарова (Дьокуускай куорат), СӨ үөрэҕириитин туйгуна, Үлэ ветерана, Үөhээ Бүлүү Ороhу нэhилиэгин бочуоттаах олохтооҕо Наталья Саввинова (Үөhээ Бүлүү улууhа), СӨ култууратын туйгуна, Үлэ ветерана Лонгина Бережнева (Тулагы), Үлэ, Гос.служба уонна Тыа хаhаайыстыбатын министерствотын ветерана, Сэрии сылын оҕото Елена Кириллина (Сунтаар улууһа), Үлэ ветерана Афанасий Колочев (Дьокуускай куорат), Сибээс сулууспатын ветерана Спартак Харитонов (Хаҥалас улууhа), СӨ үөрэҕириитин туйгуна, РФ үөрэҕириитин бочуоттаах үлэһитэ Екатерина Полятинская (Дьокуускай куорат), итиэннэ үҥкүүннэн киэргэттэ «Созвездие» Дьокуускайдааҕы Ис дьыала управлениетын ырыа-үҥкүү ансаамбыла (салайааччы полиция полковнига, СӨ култууратын туйгуна Галина Баишева, үҥкүүнү туруорааччы Афанасий Колочев).

Бу дьүрүскэн ырыа киэһэтигэр таптал, доҕордоһуу, дойдуга бэриниилээх буолуу тиэмэтин таарыйар ырыалар, үҥкүүлэр көрөөччүлэр ытыстарын тыаһынан арыалланнылар. Саалаҕа олорооччулар тэҥҥэ ылластылар, сорохтор тэҥҥэ үҥкүүлэстилэр.

Ити курдук көрөөччүлэр өргө дылы барбакка махтанан артыыстары кытары алтыһан, кэпсэтэн-ипсэтэн, хаартыскаҕа түһэн, дуоһуйа сынньанан, үөлээннээхтэрин көрсөн астына сэһэргэһэн, үөрэн-көтөн, сэргэхсийэн тарҕастылар.

Ырыа куттаах доҕотторбутугар, эһиэхэ барыгытыгар чэгиэн туругу, айымньылаах үлэни, этэҥҥэ буолууну баҕарабыт!

«Арчы Дьиэтэ» духуобунай култуура киинин уус-уран салайааччыта,
СӨ култууратын туйгуна Любовь Константинова–Кыталы Куо.