«Күн үҥкүүтэ – оһуокай»

Саха оһуокайын сайыннарыыга уонна  тарҕатыыга аналлаах,  сэтинньи 1-4 күннэригэр саха фольклорун сэҥээрээччилэригэр, оскуола оҕолоругар, куруһуок салайааччыларыгар, култуура үлэһиттэригэр анаан  «Күн оһуохайын үөрэтии ньымалара» оһуокай араастарыгар – СӨ култууратын, СӨ үөрэҕэриитин туйгуна,
АГИКИ НХК кафедратын уһуйааччыта Мойтохонова Айталина Михайловна оhуокай кэрэ кистэлэҥин арыйар   маастар- кылааһа ыытылынна. Өрөспүүбүлүкэ араас улуустарыттан уопсайа 26 ыччат – дьон кыттыыны ылла.
Өбүгэттэн силистээх-мутуктаах Күн үҥкүүтэ оһуокай – манна айар дьоҕурдаах ыччат – дьону  биир эргимтэҕэ түмэн, биир ситимҥэ киллэрэн, доҕулдьута хаамтаран, сыыйа тэтимэ түргэтээн киһиэхэ сэниэ эбэр, сүргэни көтөҕөр алыптаах түһүлгэтэ түстэннэ.

«Арчы Дьиэтэ» духуобунай култуура киинин уус- уран салайааччыта,  СӨ култууратын туйгуна Любовь Константинова –Кыталы Куо