Арчы Туһэ

Быйылгы күһүҥҥү күн тэҥнэһиитэ Саха сиригэр Балаҕан ыйын 23 күнүгэр түбэһэр.

Күһүҥҥү күн тэҥнэһиитэ диэн күн сир эргиирин хамсааһыныттан тутулуктаах, хотугу халлаан соҕуруу өттүгэр көһүүтэ буолар.

Сылга сааскы уонна күһүҥҥү тэҥнэһии күн сиргэ тыгыытын тэҥнэһиитэ буолар. Сорох дьыл уһуон сөп, сороҕор кылгыан да сөп.

Күн тэҥнэһэр кэмигэр киһи чуумпутук сылдьыахтаах, күһүҥҥү тэҥнэһиигэ саҥа саҕалааһыннары, саҥа атыыны-тутууну оҥорбот ордук. Ону таһынан дьиэ өрүмүөнүн, чугас дьоҥҥун кытта кыыһырсыбаккын, ыалдьытымсах буолуу, дьоҥҥо көмөлөһүү ордук биһирэнэр.

Бу күн Дьокуускай куораттааҕы “Арчы дьиэтэ” духуобунай култуура киинигэр “Алгыстаах арчы түһэ” саҥалыы түһүлгэ арыллыыта сиэрэ-туома ыытылынна. Бу күҥҥэ кэлбит Дьокуускай куорат олохтоохторугар түптэ ыраастыыр буруотунан, алаадьылаах кымыһынан Далбар Хотуттар үөрэ-көтө көрүстүлэр.

Үөһээ Үрдүк Айыылартан алгыс тыынын түһэрдэ Спиридон Григорьев – Илгэлээх Испирдиэн бар дьон олоҕо туруктаах буоларын туһугар көрдөстө.

Тэрээһиммит түмүгэр алгыстаах оһуокайынан таһаарда, Арчы дьиэтин эдэр специалиһа А.Д.Макарова аатынан Дьокуускай куораттааҕы култуура колледжын саҥардыы бүтэрбит, оһуокайдьыт Сергей Алексеев

Күндү сахабыт дьоно-сэргэтэ бу кэмҥэ сайыҥҥы түбүктэри түмэн, күһүҥҥү киһи санаалыын сааһыланан, чуумпуран, иһийэн туран кыстыкка киирэргэ бэлэмнээхтик, чэгиэҥник, чуумпутук этэҥҥэ киириэххэйиҥ!, үөрэ-көтө сылдьыаххайыҥ!