Төрүт эйгэ ситимэ

Муус устар 20 күнүгэр, «Арчы Дьиэтэ» ДКК «Төрүт эйгэ ситимэ» (хомусотерапия) диэн хайысхалаах бэрт истиҥ-иһирэх, олус дириҥ ис хоһоонноох тэрээһин ыытылынна.
Бү күн, айыл5аттан айдарыылаах Анисья Петровна Старостина – Сайыы Кута ыарахан ыарыыга ылларбыт дьонҥо, ыраастаныы, сүрү көннөрүү, күүс ылыы туһунан кэпсэтиини ыытта. Итиэннэ, истээччилэри олох алааһыгар киллэрэн, олох маһыгар тиэрдэн, күүс ылан, сааһыланар, бэйэлэрин айылҕаларын кытта дьүөрэлэһэллэригэр үөрэттэ, үөрэ- көтө бэйэ – бэйэлэригэр сүргэлэрин көннөрдө. Кэлбит дьон, дууһа ханнык эрэ түгэх биллибэт муннуктарыгар үүйэ-хаайа тута сылдьыбыт күүрүүттэн босхолонон, астынан, илэ-чахчы этиин- хаанныын чэпчээн, сырдаатылар.
Салгыы, «Арчы Дьиэтэ» ДКК иһинэн үлэлиир «Чэгиэн» хомусчуттар бөлөхтөрүн салайааччыта Захарова Ульяна Васильевна,
хомус дьикти дорҕоонун табатык оонньоон тардыыга, араас кистэлэҥнэрин үлэһиннэ.
Кэлбит дьон, хомус алыптаах дорҕоонугар сууланан өйдүүн-санаалыын ырааһыран, сирэйдиин-харахтыын сырдаан, арылыйан салгыы сырдык суолу тобулан айан-тутан олороллоругар олус көмөлөөҕүн, оннооҕор ыарахан ыарыыттан босхолонон дьолломмуттарын туһунан кэпсээтилэр.
Чахчы даҕаны, хомус дьикти алыптаах дорҕоонун хас биирдии саха куттаах киһи эт кулгааҕынан истиэн истэн, сэргиэн сэргэҕэлээн күн бүгүҥҥэ дылы кэллэҕэ… Саха хомуһуттан тыыннаах дорҕооннор саас-сааһынан сыыйыллан тахсан, дууһа кылын таарыйаллар, куту-сүрү бобута туталлар.

Любовь Константинова